ΠΡΟΕΌΡΤΙΑ ΤΗς ὙΠΑΠΑΝΤΗΣ ΤΟΥ ΚΥΡΙΟΥ ΗΜΩΝ ἸΗΣΟΥ ΧΡΙΣΤΟΥ

    ☦

ΜΡ          ΘΥ            

         ☦

    ΠΡΟΕΌΡΤΙΑ ΤΗς ὙΠΑΠΑΝΤΗΣ ΤΟΥ ΚΥΡΙΟΥ ΗΜΩΝ ἸΗΣΟΥ ΧΡΙΣΤΟΥ 

  Τῇ Α ΄τοῦ αὐτοῦ Μηνός Φεβρουαρίου , προεόρτια τῆς Ὑπαπαντῆς τοῦ Κυρίου ἡμῶν Ἰησοῦ Χριστοῦ .

   Τήν πρώτην τοῦ μηνός Φεβρουαρίου , μαζί μέ τήν μνήμην τοῦ Ἁγίου Μεγαλομάρτυρος Τρύφωνος , ἡ Ἐκκλησία μας , διαττάτει τήν ἀκολουθία τῶν προεορτίων τῆς Ὑπαπαντῆς , συμψάλλεται καί προηγεῖται αὐτῆς · ἄς ἐντρυφήσωμεν , καί ἀπολαύσωμεν πνευματικῶς τήν πνευματικήν τράπεζαν , κατά τήν συνήθην τάξιν  ἐν τοῖς καθ ᾿ ἡμᾶς , τῶν προεορτίων και μεθἑόρτων τῆς Ἑορτῆς.

 

                                              ☦

 

                                          ἦχος   α΄

 

                               Πανεύφημοι Μάρτυρες 

 

    Δεδόξασται σήμερον Χριστόν , Συμεών ὡς ἄνθρακα , θεοπρεπῶς εἰσδεξάμενος , καί περιπτύσσεται , καθαρθείς τά χείλη , ἀνθομολογεῖται δέ , καί χαίρων ἐξαιτεῖ τήν ἀπόλυσιν · αὐτόν οὖν ἅπαντες , εὐσεβῶς νῦν μακαρίζοντες , ἀσιγήτοις ἐν ὕμνοις τιμήσωμεν .

   Ἡ Πύλη ἡ ἔνδοξος ΑΓΝΗ , ἡ ΠΑΡΘΕΝΟΣ σήμερον , τόν βασιλέα καί Κύριον , ὅν ἔνδον ἔσχηκεν ἐν ναῷ εἰσάγει , διά Πύλης βαίνουσα τῆς πάλαι κεκλεισμένης , ὡς γέγραπται , ὅθεν χορεύοντες , πρό προσώπου ταύτης ἅπαντες θείοις ὕμνοις Αὐτήν εὐφημήσωμεν . 

   Ὡς ὄντως ὑπέρλαμπρος Θεοῦ , Κιβωτός ἡ Ἄχραντος , τό ἱλαστήριον σήμερον , Χριστόν προσφέρουσα , ἐν ναῷ εἰσαγει , καί σεπτῶς προστίθησιν , ἀγκάλαις Συμεών τοῦ θεόφρονος , διό ἡγίασται , τῶν Ἁγίων νῦν τά ἅγια , καί τῷ μόνῳ ἁγίῳ συγχαίρουσι .

 

                             Τοῦ λίθου σφραγισθέντος .

 

   Ἐν τῷ ναῶ προσηνέχθης ἡ ζωή τῶν ἁπάντων , δι ᾿ ἐμέ νηπιάσας ὑπό νόμον ἐγένου · ὁ πάλαι χαράξας ἐν πλαξί , τόν νόμον ἐν τῶ ὄρει τῶ Σινᾷ , ἵνα πάντας ἀπαλλάξῃς ἐκ τῆς τοῦ νόμου πάλαι δουλείας · δόξα τῆ εὐσπλαγχνίᾳ σου Σωτήρ , δόξα τῇ βασιλείᾳ σου , δόξα τῇ οἰκονομίᾳ σου μόνε φιλάνθρωπε .

   Θησαυρέ τῶν αἰώνω ἡ ζωή τῶν ἁπάντων , δι ᾿ ἐμέ νηπιάσας , ὑπό νόμον ἐγένου · ὁ πάλαι χαράξας ἐν πλαξί , τόν νόμον ἐν τῷ ὄρει τῷ Σινᾷ , ἵνα πάντας ἀπαλλάξῃς , ἐκ τῆς τοῦ νόμου πάλαι δουλείας · δόξα τῇ εὐσπλαγχνίᾳ σου Σωτήρ , δόξα τῇ βασιλείᾳ σου · δόξα τῆ οἰκονομίᾳ σου , μόνε Φιλάνθρωπε .

 

                        Τῶν οὐρανίων Ταγμάτων 

 

   Ἐν ταῖς Προφήταις ὡράθης , ὡς θέμις ἦν Ἰησοῦ , σέ θεαθῆναι πάλαι , ἀλλά νῦν Θεοῦ Λόγε , σαρκί παντί τῷ κόσμῳ ὤφθης ἑκών , ἐκ ΠΑΡΘΕΝΟΥ ΜΑΡΙΑΣ Χριστέ , σοῦ τό σωτήριον πᾶσι , τοῖς ἐξ ᾿ Ἀδάμ , ἐμφανίσας ὡς Φιλάνθρωπος . 

   Θεοφανείας ἀῤῥήτου νῦν ἑορτάζομεν σωτηριώδη χάριν · ἐκ ΠΑΡΘΕΝΟΥ γάρ ΚΟΡΗΣ , ἀτρέπτως νηπιάσας Χριστός ὁ Θεός , ἐν ναῷ τοῦ Θεοῦ καί Πατρός , ὑπό Μητρός νῦν προσάγεται , ὅν λαβών Συμεών ἐνηγκαλίσατο . 

   Ὁ ἐν Σιναίῳ τῶ ὄρει τόν νόμον τάξας ποτέ , νῦν ἐν Σιών τῇ πόλει , ἐκπληρῶν τά τοῦ νόμου , χερσίν τῆς ΘΕΟΤΟΚΟΥ βρέφος Χριστέ , σύν τοῖς ὁλοκαυτώμασι , τοῦ Συμεών ἐν ἀγκάλαις εἰς τόν ναόν , εἰσαχθῆναι  κατεδέξω σαρκί .

   Ὁ Ποιητής τῶν ἁπάντων , καί Λυτρωτής ἡμῶν , ὑπό Μητρός ΠΑΡΘΕΝΟΥ , τῷ ναῷ προσηνέχθη , ὅθεν ὁ Πρεσβύτης τοῦτον λαβών , μετά χαρᾶς ἀνεκραύγαζε ·Νῦν ἀπολύεις τόν δοῦλον σου ἀγαθέ , ἐν εἰρήνη ὡς εὐδόκησεν .

   Ὁ Συμεών ἐν ἀγκάλαις , ἑκ τῆς ΠΑΡΘΕΝΟΥ λαβών , τόν πρό πάντων τῶν αἰώνων , γεννηθέντα Σωτῆρα , εἶδον  ἀνεβόα τόν φωτισμόν , τῆς Σῆς δόξης τά πέρατα · νῦν ἀπολύεις τόν δοῦλον σου ἀγαθέ , ἐν εἰρήνῃ  ὅτι εἶδον σε .

   Τόν ἐπ ᾿ ἐσχάτων τεχθέντα , εἰς σωτηρίαν βροτῶν , ὁ Συμεών βαστάσας ἐν ἀγκάλαις Σωτῆρα , χαίρων ἀνεβόα · εἶδον τό φῶς , τῶν ἐθνῶν καί τήν δόξαν τοῦ Ἰσραήλ · νῦν ἀπολύεις , ὡς εἴρικας . ὡς Θεός , ἐκ τῶν τῆδε , τῇ κελεύσει σου .   

 

                                   Χορός ἀγγελικός .

 

   Ὁ ὤν σύν τῶ Πατρί , ἐπί θρόνου ἁγίου , ἐλθών επί τῆς γῆς ἐκ ΠΑΡΘΕΝΟΥ ἐτέχθη  καί βρέφος ἐγένετο , χρόνοις ὤν ἀπερίγραπτος , ὅν δεξάμενος Συμεών ἐν ἀγκάλαις , χαίρων ἔλεγε , Νῦν ἀπολύεις Οἰκτίρμων , εὐφράνας τόν δοῦλον σου . 

   Χορός ἀγγελικός ἐκπληττέσθω τό θαῦμα , βροτοί δέ ταῖς φωναῖς , ἀνακράξωμεν ὕμνον , ὁρῶντες τήν ἄφατον τοῦ Θεοῦ συγκατάβασιν · ὅν γάρ τρέμουσιν τῶν οὐρανῶν αἱ δυνάμεις , γηραλέαι δέ ἐναγκαλίζονται χεῖρες , τόν μόνον φιλάνθρωπον .

 

....................................... ἦχος   β ΄...........................................

 

                              Οἶκος τοῦ Εὐφραθᾷ

 

   Ἀγάλλου Συμεών , καί ἡ Ἄννα εὐφραίνου · ἰδού γάρ ἐπεφάνης , ὁ Λυτρωτής τοῦ κόσμου , ὡς βρέφος προσαγόμενος .

   Ἄνθραξ ὁ προοφθείς τῷ θείῳ Ἡσαΐα , Χριστός ὁ ἐν λαβίδι , χερσίν τῆς ΘΕΟΤΟΚΟΥ , νῦν τῷ Πρεσβύτῃ δίδοται .

   Ἄννα προφητικῶς ἡ σώφρων καί ὁσία , νῦν ἀνθομολογείτῳ , τῷ ἐκ ΠΑΡΘΕΝΟΥ φύντι , βροτῶν εἰς ἀπολύτρωσιν .

   Δέχου ᾧ Συμεών , ἡ ΠΑΝΑΓΝΟΣ ἐβόα , ἐν ἀγκάλαις ὡς βρέφος , τόν Κύριον τῆς δόξης , καί κόσμου τό σωτήριον .

   Δέχου ὦ Συμεών , τόν Κύριον τῆς δόξης , καθώς ἐχρηματίσθης , ἐκ Πνεύματος Ἁγίου , ἰδού γάρ παραγέγονεν .

   Λέλυσαι τῆς φθορᾶς , Συμεών θεοφόρε , ἐν χερσί τόν τά πάντα , κατέχοντα βαστάζων · εἶδες γάρ τό σωτήριον .

   Μέγα καί φοβερόν , μυστήριον καί ξένον !!! ὁ πάντα περιέπων , καί βρέφη διαπλάττων , ὡς βρέφος ἀγκαλίζεται .

   Νήπιος τῇ σαρκί, ὁ παλαιός τῷ χρόνῳ , ὁρᾶται παραδόξως τήν σήμερον ἡμέραν , καί τῷ ναῷ προσάγεται .

   Νῦν εἶδον ἀγαθέ , Θεέ οἱ ὀφθαλμοί μου , τήν σήν ἐπαγγελίαν · ἀπόλυσον με τάχος , τόν δοῦλον συ φιλάνθρωπε · 

   Νῦν με πρός τήν ζωήν , ἀπόλυσον τήν ὄντως , ὁ Συμεών ἐβόα , Σωτήρ μου · εἶδον γάρ σε τό φῶς τοῦ κόσμου Δέσποτα .

   Ὁ πάντα τῇ χειρί , περιέχων ὡς Κτίστης , καί δεσπόζων ἁπάντων , ὑπό χειρῶν πρεσβύτου  , ἐν τῷ ναῷ προσάγεται .

   Πύλαι τῶν οὐρανῶν , ἀνοίχθητε · Χριστός γάρ , ἐν τῷ ναῶ ὡς βρέφος , ὑπό Μητρός ΠΑΡΘΕΝΟΥ , Θεῷ Πατρί προσάγεται .

   Ῥύπου δίχα Χριστός , γεννᾶται ἐκ ΠΑΡΘΕΝΟΥ , ὡς ἐκ Πατρός ἀῤῥεύστως , Υἱός πρό Ἑωσφόρου , ὁ τόν Ἀδάμ λυτρούμενος . 

   Σήμερον ὁ Σωτήρ , ὡς βρέφος προσηνέχθη , ἐν τῷ ναῷ Κυρίου , καί χερσί γηραλέαις , ὁ Πρέσβυς τοῦτον δέχεται .

   Φέρουσα ἡ ΑΓΝΗ  καί ἌΧΡΑΝΤΟς ΠΑΡΘΕΝΟΣ , τόν Πλάστην καί Δεσπότην , ὡς βρέφος ἐν ἀγκάλαις , ἐν τῷ ναῷ εἰσέρχεται . 

   Φόβῳ τε καί χαρᾷ , ἀγκάλαις τόν Δεσπότην , ὁ Συμεών κατέχων , ζωῆς ἡτεῖτο λύσιν , ὑμνῶν τήν ΘΕΟΜΗΤΟΡΑ .

   Χαῖρε ἡ τήν χαράν τοῦ κόσμου δεξαμένη, Χριστόν τόν Ζωοδότην , καί παύσασα τήν λύπην , ΠΑΡΘΕΝΕ τῆς προμήτορος .

 

 .....................................  ἦχος  γ........................................                                                                           

                                      Τήν ὡραιότητα  .

 

   Ἐκ τῆς ΠΑΡΘΕΝΟΥ σε σωματωθέντα Χριστέ , χαίρων ἐδέξατο , ὁ ἱερός Συμεών , νῦν ἀπολύεις ἐκβοῶν , τόν δοῦλον σου Δέσποτα · Ἄννα δέ ἡ ἄμεμπτος , ἡ προφῆτις καί ἔνδοξος , τήν ἀνθομολόγησιν , καίτόν ὕμνον προσῆγεν σοι · ἡμεῖς δέ Ζωοδότα βοῶμεν σοι · δόξα σοι,τῶ οὕτως εὐδικήσαντι .

....................................... ἦχος    δ ΄.......................................

                                       

                            Ἔδωκας σημείωσιν .

 

   Ἄννα ἡ θεόπνευστος , καί Συμεών ὁ πανόλβιος , προφητείᾳ λαμπόμενοι , ἐν νόμῳ τε ἄμεμπτοι , ἀποδεδειγμένοι , τόν νόμου δοτῆρα , βρέφος ὀφθέντα καθ ᾿ ἡμᾶς , ἰδόντες τοῦτον νῦν προσεκύνησαν , αὐτῶν τήν μνήμην σήμερον , περιχαρῶς ἑορτάσωμεν , κατά χρέος δοξάζοντες , Ἰησοῦν τόν φιλάνθρωπον .

   Δίκαιος καί τέλειος , καί κατά πάντα ἀοἰδιμος , χρηματίζων θεόπνευστε , Θεόν μόνον τέλειον , εἰς τό δικαιῶσαι , τόν κόσμον ἐλθόντα , καθυπεδέξω ταῖς χερσίν , σωματωθέντα καί ἀπολέλυσαι , τοῦ σώματος βοῶν αὐτῷ · νῦν ἀπολύεις τόν δοῦλον σου , ἐν εἰρήνῃ φιλάνθρωπε , ὄτι εἶδον σε σἠμερον .

   Κόλπων τοῦ Γεννήτορος  , μή χωρισθείς τῆ θεότητι , σαρκωθείς ὡς εὐδόκησας · ἀγκάλαις κρατούμενος τῆς ἈΕΙΠΡΘΕΝΟΥ , χερσίν ἐπεδόθης τοῦ Θεοδόχου Συμεών , ὁ τῇ χειρί σου κρατῶν τά σύμπαντα , διό νῦν ἀπολύεις με , περιχαρῶς ἀνεκραύγαζεν , ἀγαθέ καί φιλάνθρωπε , ὅτι εἶδον σε σήμερον .

   Νεάζων τῷ πνεύματι , προβεβηκώς δέ τῷ σώματι , Συμεών κεχρημάτισαι , μή ὄψεσθαι θάνατον , ἕως ἴδης βρέφος , νέον τόν προόντα , πρό τῶν αἰώνων ποιητήν , Θεόν τῶν ὅλων σάρκα πτωχεύσαντα , ἰδών δέ ἀνεσκίρτησας , καί τῆς σαρκός λύσιν ἤτησας , πρός τά θεῖα σκηνώματα , μεταβάς ἀγαλλόμενος .

   Νόμον τόν ἐν γράμματι , ἀποπληρῶν ὁφιλάνθρωπος , τῷ ναῷ νῦν προσάγεται · καί τοῦτον εἰσδέχεται , γηραιαῖς ἀγκάλαις Συμεών ὁ Πρέσβυς , νῦν ἀπολύεις με βοῶν , πρός τήν ἐκεῖθεν μακαριότητα , κατεῖδον γάρ σε σήμερον , σάρκα θνητήν περικείμενον  , τόν ζωῆς κυριεύοντα καί θανάτου δεσπόζοντα .

   Φῶς εἰς ἀποκάλυψιν , ἐθνῶν ἐπέφανας Κύριε , ἐπί κούφης καθήμενος , νεφέλης ὁ Ἥλιος τῆς δικαιοσύνης , νόμου τό σκιῶδες ἀποπληρῶν καί τήν ἀρχήν , καθυποφαίνων τῆς νέας χάριτος , διό σε θεασάμενος , ὁ Συμεών ἀνεκραύγαζεν , ἐκ φθορᾶς μέ ἀπόλυσον , ὅτι εἶδον σε Δέσποτα .

                                

                                 Κατεπλάγη Ἰωσήφ 

 

    Ἐν τῷ ὄρει τῷ Σινᾶ , πάλαι κατεῖδεν Μωσῆς , τά ὀπίσθια Θεοῦ , καί ἀμυδρῶς θείας φωνῆς , κατηξιώθη ἐν γνώφῳ τε καί θυέλλῃ · νῦν δέ Συμεών , τόν σαρκωθέντα Θεόν , ἀτρέπτως δι ᾿ ἡμᾶς ἐνηγκαλίσατο , καί γεγηθώς ἠπείγετο , τῶν τῆδε , πρός τήν ζωήν τήν αἰώνιον , , διό ἐβόα · νῦν ἀπολύεις τόν Δοῦλον σου Δέσποτα .

     Νηπιάζει δι ᾿ ἐμέ , ὁ παλαιός τῶν ἡμερῶν , καθαρσίων κοινωνεῖ , ὁ καθαρώτΑτος Θεός , ἵνα τήν σάρκα , πιστώσῃ μου τήν ἐκ ΠΑΡΘΕΝΟΥ · καί ταῦτα Συμεών μυσταγογούμενς , ἐπέγνων τόν αὐτόν , Θεόν καί ἄνθρωπον , καί ὡς ζωήν ἠσπαζετο , καί χαίρων , πρεσβυτικῶς ἀνεκραύγαζεν · ἀπόλυσον με , σύ γάρ Θεός μου , καί Κύριος 

 

                             Ταχύ προκατάλαβε .

 

   Σαρκί νηπιάσαντα ἐξ ᾿ Ἀπειράνδρου Μητρός , χερσί γηραλέαις σου ἀγκαλισθείς Συμεών , Χριστόν τόν Θεόν ἡμῶν , ἔλαβες τῆς ἐξόδου τήν ἀπόφασιν δόξῃ , εἵληφας τῶν θαυμάτων , τήν ἀένναον χάριν · διό σε ἀξιοχρέως πάντες δοξάζομεν .

 

                            Ὡς γενναῖον ἐν Μάρτυσιν .

 

   Ἡ σεπτή εὐτρεπίζεται , Ἐκκλησία εἰσδέξασθαι , ἐν αὐτῇ τόν Κύριον ὥσπερ νήπιον , ἐπιδημοῦντα καί χάρισι , νοητῶς φαιδρύνοντα , τό πιστότατον αὐτῆς , καί φιλόθεον σύστημα , ᾧ καί κέκραγεν , σύ εἶ δόξα καί τό κλέος , καί ὁ κόσμος , τοῦ πληρωμάτός μου Λόγε , ὁ νηπιάσας σαρκί δι ᾿ ἐμέ .

   Ἡ Παστάς ἡ πολύφωτος , καί Σκηνή ἡ Ὑπέρτιμος καί Ναός ὁ Ἅγιος καί εὑρύχωρος , ἔνδον θαλάμων εἰσάγουσα , τοῦ Ναοῦ τόν Κύριον , προμνηστεύεται αὐτόν , τῇ σεπτῆ Ἐκκλησίᾳ αὐτοῦ , ἱκετεύουσα , ἐκ φθορᾶς καί κινδύνων λυτρωθῆναι , τούς κυρίως ΘΕΟΤΟΚΟΝ , Ταύτην ἀπαύστως δοξάζοντας .

   Συμεών ἱερώτατε , τήν ἐλπίδα ἤν κέκτησαι , τόν Χριστόν θεάσασθαι δεῦρο πρόσελθε , ἐν τῷ ναῷ καί ὑπόδεξαι , ἀγκάλαις καί βόησον · νῦν ἀπόλυσον Σωτήρ , ἐκ τῆς γῆς με τόν δοῦλον σου · καί συγκάλεσον , τήν προφήτιδα Ἄννα τοῦ δοξάσαι , μετά σοῦ τόν εὐεργέτην , σαρκί φρικτῶς νηπιάζοντα .

 

 

................................... ἦχος   πλ.α ΄...........................................

 

                                                                          

                          Τόν συνάναρχον Λόγον .

 

   Ἐν τῷ ναῷ προσηνέχθης τά εἰθισμένα πληρῶν , ὁ Ποιητής καί Δεσπότης , καί ὁ τοῦ νόμου δοτήρ , καί ἀγκάλαις Συμεών εὐδοκίᾳ τῇ σῇ , βασταχθῆναι ἐν σαρκί , ὁ τοῖς πᾶσι φοβερός , καί πᾶσαν κτίσιν συνέχων , ἠνέσχου μόνε οἰκτίρμον , τό φῶς σου πᾶσιν ἀποκαλύψας ἡμῖν .

 

...............................  ἦχος  πλ . β ..............................................

 

                             Τήν Ἀνάστασίν σου Χριστέ .  

   Νόμον τόν ἐν γράμματι ἐκπληρῶν , ὁ τοῦ νόμου Κύριος καί δοτήρ , ἐν ναῷ τῷ νομικῷ , νῦν προσάγεται , ὑπό Μητρός ΠΑΡΘΕΝΟΥ  βρέφος θεῖον .

   Σέλας τό τρισήλιον ἐμφανῶς , λάμψαν ἐκ ΠΑΡΘΕΝΟΥ , καινοπρεπῶς , ἀστραπαῖς τῆς ὑπερφώτου Θεότητος , ἐφαίδρυνε , τήν σύμπασαν ἀῤῥήτως . 

   Τήν ἐκ παραβάσεως τοῦ Ἀδάμ , πτῶσιν ἐνυπάρξασαν τοῖς βροτοῖς  · ὁ Χριστός ἐπανορθώσων ἐπέφανεν , ἀτρέπτως νηπιάσας ἐκ ΠΑΡΘΕΝΟΥ .

 

                          Τριήμερος ἀνέστης Χριστέ .

 

   Νῦν ἀπολύεις Δέσποτα , τόν δοῦλον συ ὡς εἴρικας , ἐν εἰρήνῃ , ὄτι εἶδον σε Χριστέ , τό φῶς τό πρό αἰώνων , δεσμῶν με τοῦ σαρκίου , εἰς ἀποκάλυψιν ἐθνῶν Ἰσραήλ .

   Τοῦ νόμου Ποιητήν καί Θεόν , ὅν φρίττουσιν Ἀγγέλων πληθύς , συνελθόντες ἀνυμνήσωμεν λαοί , τόν μόνον εὐεργέτην , τοῦ νόμου νομοδότην , εἰς σωτηρίαν τῶν ψυχῶν ἡμῶν .

   Ὑπόδεξαι φησί Συμεών , τόν Κτίστην τῶν ἁπάντων , χερσίν · ὦ Πρεσβύτα ἀγκαλίζου , τόν Χριστόν , ὅν ἡ ΠΑΡΘΕΝΟΣ ΚΟΡΗ , ἐγέννησεν ἀσπόρως , εἰς ἀγαλλίασιν τοῦ γένους ἡμῶν . 

 

.........................................πλ.δ ΄................................................

 

                              Ἀνέστης ἐκ νεκρῶν .      

 

   Ἐτέχθης ἐκ Μητρός ὁ προάναρχος Λόγος , προσήχθης  τῷ ναῶ , ἀκατάληπτος μένων · χαίρων δέ ὁ Πρεσβύτης , ἐν ταῖς ἀγκάλαις σέ ὑπεδέξατο , κράζων , νῦν ἀπολύεις , ὅν ἐπισκέψω κατά τό ῥῆμα σου , ὁ εὐδοκήσας σῶσαι ὡς Θεός , τό γένος τῶν ἀνθρώπων .                                 

 

 ,,,,,,,,,,,,,,,,,,,,,,,,,,,,,,,,,,, Δόξα ...Καί νῦν,,,,,,,,,,,,,,,,,,,,,,,,,,,,,,,,,,,,

 

                                          ἦχος α ΄

 

   Ὁ παλαιός ἡμερῶν , ὁ καί τόν νόμον πάλαι ἐν Σινᾷ , δούς τῷ Μωσῆ , σήμερον βρέφος ὁρᾶται , καί κατά τόν νόμον , ὡς τοῦ νόμοι Ποιητής , τόν νόμον ἐκπληρῶν , ναῷ προσάγεται , καί τῷ Πρεσβύτῃ ἐπιδίδοται · δεξάμενος δέ τοῦτον , Συμεών  ὁ δίκαιος , καί τῶν θεσμῶν τήν ἔκβασιν ἰδών τελεσθεῖσαν , γηθοσύνως ἐβόα · εἶδον οἱ ὀφθαλμοί μου , τό ἀπ ᾿ αἰῶνος μυστήριον ἀποκεκρυμμένον , ἐπ ᾿ 'ἐσχάτων τούτων , ἡμερῶν φανερωθέν , φῶς διασκεδάζον , τῶν ἀπίστων ἐθνῶν τήν σκοτόμαιναν , καί δόξαν τοῦ νεολέκτου Ἰσραήλ · διό ἀπόλυσον τόν δοῦλον σου , ἐκ τῶν δεσμῶν τοῦδε τοῦ σαρκίου , πρός τήν ἀγήρῳ καί θαυμασίαν ἄληκτον ζωήν , ὁ παρέχων τῷ κόσμῳ , τό μέγας ἔλεος .

 

                                       ἦχος  β΄

 

   Ὁ Κτίστης οὐρανοῦ καί γῆς , ἐν ἀγκάλαις ἐβαστάζετο , ὑπό τοῦ Ἁγίου Συμεών τοῦ πρεσβύτου σήμερον · αὐτός γάρ ἐν Πνεύματι Ἁγίῳ ἔλεγε · Νῦν ἠλευθέρωμαι , · εἶδον γάρ τόν Σωτῆρα μου .

   Σήμερον Συμεών ἐν ἀγκάλαις , τόν Κύριον τῆς δόξης ὑποδέεται , ὅν ὑπό τόν γνόφον πρώην , ὁ Μωϋσῆς ἐθεάσατο , ἐν τῷ ὄρει τῷ Σινᾷ , πλάκας δόντα αὐτῶ · οὗτος ἐστίν , ὁ ἐν προφήταις λαλῶν , καί τοῦ νόμου ποιητής , οὗτος ἐστίν ὅν ὁ Δαυίδ καταγγέλει , ὁ τοῖς πᾶσι φοβερός , ὁ ἔχων τό μέγα καί πλούσιον ἔλεος .

   Τόν Ἱερόν , ἡ Ἱερά ΠΑΡΘΕΝΟΣ , προσεκόμιεν , ἐν Ἱερῷ ,τῷ ἱερεῖ · ἁπλώσας δέ ἀγκάλαις ὁ Συμεών ἐδέξατο ἀγαλλόμενος   τοῦτον καί ἐβόησεν · Νῦν ἀπολύεις τόν δοῦλον σου Δέσποτα , κατά τό ῥῆμα σου ἐν εἰρήνῃ Κύριε .

 

                                     ἦχος δ΄

 

   Σήμερον ἡ ἱερά Μήτηρ , καί τοῦ Ἱεροῦ Ὑψηλοτέρα , ἐπί τό ἱερόν παραγέγονεν , ἐμφανίζουσα τῷ κόσμῳ , τόν τοῦ κόσμου ποιητήν , καί τοῦ νόμου πάροχον · ὅν καί ἀγκάλαις  ὑποδεξάμενος , ὁ πρεσβύτης Συμεών , γεραίρων ἐκραύγαζε · νῦν ἀπολύεις τόν δοῦλον σου , ὅτι εἶδον σε τόν Σωτῆρα τῶν ψυχῶν ἡμῶν .

 

                                  ἦχος πλ. α ΄

 

   Ἐρεευνᾶτε τάς Γραφάς , καθώς εἶπεν ἐν Εὐαγγελίοις , Χριστός ὁ Θεός ἡμῶν · ἐν αὐταῖς γάρ εὑρίσκομεν αὐτόν , τικτόμενον καί σπαργανούμενον , τιθηνούμενον καί γαλακτοτροφούμενον , περιτομήν δεχόμενον , καί ὑπό Συμεών βασταχθέντα , οὐ δοκήσει , οὐδέ φαντασίᾳ , ἀλλά ἀληθείᾳ τῷ κόσμῳ φανέντα · πρός ὅν βοήσωμεν · ὁ πρό αἰώνων Θεός δόξα σοι .

   Ὁ παλαιός ἡμερῶν , νηπιάσας σαρκί , ὑπό Μητρός ΠΑΡΘΕΝΟΥ , τῷ ἱερῷ προσάγεται , τοῦ οἰκείου νόμου , πληρῶν τό ἐπάγγελμα · ὅν Συμεών δεξάμενος ἔλεγεν , νῦν ἀπολύεις ἐν εἰρήνῃ , καά τό ρῆμα σου , τόν δοῦλον σου · εἶδον γάρ οἱ ὀφθαλμοί μου , τό σωτήριόν σου Ἅγιε .

 

                                   ἦχος πλ. β'

 

   Ὁ ἐν χερσί πρεσβυτικαῖς , τήν σήμερον ἡμέραν , ὡς ἐφ ᾿ ἅρματος Χερουβίμ , ἀνακλιθῆναι εὐδοκήσας Χριστέ ὁ Θεός , καί ἡμᾶς τούς ὑμνοῦντας σε , τῆς τῶν παθῶν τυραννίδος , ἀνακαλούμενος ῥῦσαι , καί σῶσον τάς ψυχάς ἡμῶν .

 

                                     βαρύς .

 

   Φῶς εἰς ἀποκάλυψιν ἐθνῶν , ἦλθες ἐπί τῆς γῆς , ἐξ ᾿ οὐρανοῦ Σωτήρ ἡμῶν · καί προελθών ἐκ τῆς ΠΑΡΘΕΝΟΥ , ἐπαναπαύσω ἐν ἀγκάλαις τοῦ δικαίου Συμεών · ἔδει γάρ σε Ζωοδότα , τῶν ἁπάντων , ὑπό τοῦ Πρεσβύτου γνωρισθῆναι , ὅτι παρεγένου ἀπολῦσαι αὐτόν , κατά τό ῥῆμα σου , ὁ ἔχων τό μέγα ἔλεος .

 

 

                                  ἦχος . πλ.δ ΄

 

   Ὁ τοῖς Χερουβίμ ἐποχούμενος , καί ὑμνούμενος ὑπό τῶν Σεραφίμ , σήμερον τῷ θείῳ ναῷ , κατά νόμῳ προσφερόμενος , πρεσβυτικαῖς ἐνθρονίζεται ἀγκάλαις · καί ὑπό Ἰωσήφ εἰσδέχεται δῶρα θεοπρεπῶς , ὡς ζεῦγος τρυγόνων ,  τήν ἀμίαντον ἐκκλησίαν  , καί τῶν ἐθνῶν , τόν νεόλεκτον λαόν · περιστερῶν δέ δύο νεοσσούς , ὡς ἀρχηγός Παλαιᾶς τε καί Καινῆς · τοῦ πρός αὐτόν χρησμοῦ δέ Συμεών , τό πέρας δεξάμενος , εὐλογῶν τήν ΠΑΡΘΕΝΟΝ ΘΕΟΤΟΚΟΝ ΜΑΡΙΑΝ , τά τοῦ Πάθους σύμβολα, τοῦ ἐξ ᾿ Αὐτῆς προηγόρευσε · καί παρ ᾿ αὐτοῦ ἐξετεῖται τήν ἀπόφασιν βοῶν · Νῦν ἀπολύεις με Δεσποτα , καθώς προεπηγγείλω μοι · ὅτι εἶδον σε τό προαιώνιον φῶς , καί Σωτῆρα Κύριον , τοῦ Χριστονύμου λαοῦ .

    Σήμερον Συμεών ἐν ἀγκάλαις , τόν Κύριον τῆς δόξης ὑποδέχεται , ὅν ὑπό τόν γνόφον πρώην  ὁ Μωϋσῆς ἐθεάσατο , ἐν τῷ ὄρει τῷ Σινᾷ , πλάκας δόντα αὐτῷ · οὗτος ἐστίν , ὁ ἐν Προφήταις λαλῶν , καί τοῦ Νόμου Ποιητής , οὗτος ἐστίν ὅν ὁ Δαυίδ καταγγέλει , ὁ τοῖς πᾶσι φοβερός , ὁ ἔχων τό μέγα καί πλούσιον ἔλεος .  

 

.....................................  Κανών προεόρτιος ………………………………..

 

                                           ☦

                                                                                                                                                                                                                                                                                       ᾠδή α ΄. ἦχος δ ΄ Εἱρμός 

 

   Ἄσομαί σοι Κυριε ὁ Θεός μου , ὅτι ὁδήγησας λαόν , ἐν μέσῳ τῆς θαλάσσης , ἐκάλυψας δέ ἅρματα , Φαραώ καί τήν δύναμιν .

                                     Τροπάρια 

   Ἄσομαί σοι , Κύριε ὁ Θεός μου ,τῷ νηπιάσαντι σαρκί , καί νόμῳ ὑπακούοντι , καί σώσαντι τόν ἄνθρωπον , δι ᾿ ὅν γέγονας ἄνθρωπος.

   Ἀγκάλαις δεξάμενος ὁ Πρεσβύτης , τόν ζωοδότην καί Θεόν , τῆς ζωῆς ἀπελύετο βοῶν · νῦν ἀπολύεις με  κατεῖδον γάρ σε σήμερον .

   Τοῖς νόμοις τῆς φύσεως ὑπακούεις , καί τοῦ γράμματος θεσμοῖς κατά νόμον ὑπείκεις Χριστέ , ὁ πρίν ὑπαγορεύσας μοι , τόν νόμον ἐν τῷ ὄρει Σινᾷ .

                                   ΘΕΟΤΟΚίΟΝ .  

 

   Ἄσομαί σοι Κύριε ὁ Θεός μου · ὅτι ἐτέχθης ἐκ Μητρός ΠΑΡΘΕΝΟΥ Ἁγίας , καί Ταύτην ἀνέδειξας , ἐλπίδα τῶν ψυχῶν ἡμῶν .

 

                                                 ☦

 

                                     ᾠδή γ ΄ ὁ Εἱρμός 

 

   Ἐν Κυρίῳ Θεῷ μου ἐστερεώθη ἡ καρδία μου , διό οἱ ἀσθενοῦντες , περιεζώσαντο δύναμιν .

                                    Τροπάρια  

   Ἀνοιγέσθῳ ὁ ναός , ὁ τοῦ Θεοῦ γάρ ἐπέστη ναός , ναούς ἡμᾶς ποιῆσαι , τοῦ Ἁγίου Πνεύματος .

   Νῦν παρῆλθεν ἡ σκιά , καί ἀντισείχθη ἡ ἀλήθεια , τῆς χάριτος ἐλθούσης · νῦν ὑποδέχου τόν Χριστόν , Συμεών .

   Χήρα Ἄννα σώφρων , ἡ μεμονωμένη καί γνωστή τῷ Θεῷ , νῦν ἀνθομολογείτῳ , τῷ νηπιάσαντι σαρκί δι ᾿ ἡμᾶς .

 

                                  ΘΕΟΤΟΚίΟΝ 

 

   Τήν ΘΕΟΜΗΤΟΡΑ  ΠΑΡΘΕΝΟΝ , ὀρθοδόξως ἀνυμνείσωμεν · πρεσβεύει γάρ ἀπαύστως ὑπέρ ἡμῶν πρός Κύριον .

 

                                               ☦

   Συναπτή καί κάθισμα . ἦχος α ΄. Τοῦ λίθρου σφραγισθέντος .

 

   Θησαυρέ τῶν αἰώνων , ἡ ζωἠ τῶν ἁπάντων , δι ᾿ ἐμέ νηπιάσας ὑπό νόμου ἐγένου · ὁ πάλαι χαράξας ἐν πλαξί , τόν νόμον ἐν τῷ ὄρει τῷ Σινᾷ ,ἵνα πάντας ἀπαλλάξῃς τῆς ἐκ τοῦ νόμου πάλαι  δουλείας · δόξα τῇ εὐσπλαγχνίᾳ σου Σωτήρ , δόξα τῇ βασιλείᾳ σου , δόξα τῇ οἰκονομίᾳ σου , μόνε φιλάνθρωπε . 

 

                                               ☦

 

                                  Ὠδή δ΄. ὁ εἱρμός .

 

   Τούς οὐρανούς ἡ ἀρετή σου κατεκάλυψε , καί ἡ γῆ ἐπληρώθη τῆς σῆς δόξης Χριστέ , διό ἀπαύστως κράζωμεν · δόξα τῇ δυνάμει σου Κύριε .

 

                                  Τροπάρια 

   Αἱ τάξεις τῶν Ἀγγέλων ἐξεπλάγησαν , ἐν ταῖς ἀγκάλαις τοῦ πρεσβύτου θεασάμεναι , τόν σύν Πατρί καί Πνεύματι , ὑμνούμενον ὡς Υἱόν καί Θεόν ἡμῶν .

   Τό ἡμῶν ἀτελές οἰκειούμενος , ὁ παντέλειος Θεός , τῇ κατά νόμον προσαγωγῇ , τό τέλειον τῆς χάριτος ἡμῖν ἐδωρήσατο .

   Ὡς βρέφος ἐν ἀγκάλαις δεχόμενος , καί Θεόν τῷ πνεύματι θεώμενος , ὁ Συμεών σωτήριον , τοῦ κόσμου τόν Χριστόν ἀνεκήρυττε .

   Μωϋσέως τιμιώτερος γέγονας , τοῦ δεξαμένου , νόμον , ἐν τῷ ὄρει τῷ Σινᾷ , ὅτι Χριστόν τόν Κύριον , ἀγκάλαις σου Πρεσβύτα ἐβάστασας .

 

                                     ΘΕΟΤΟΚίΟΝ 

 

   Ἡ Ἄννα προφητεύουσα τό μέλλον , τόν ἐκ Μήτρας Σου Θεόν προηγόρευσε · διό ἀπαύστως πρέσβευε , σωθῆναι ΘΕΟΜΗΤΟΡ , τούς δούλους σου .

                                                ☦

 

                                   'Ωδή ε ΄. ὁ εἱρμός .

 

   Ὁ ἀνατείλας τό φῶς καί φωτίσας τόν ὄρθρον , καί δείξας τήν ἡμέραν , δόξα σοι Ἰησοῦ ,Υἱέ τοῦ Θεοῦ , φιλάνθρωπε δόξα σοι .

 

                                      Τροπάρια ,

 

   Ἐν τῇ τοῦ νόμου σκιᾷ , τόν τῆς χάριτος λόγον , τρανῶς ἐχρηματίσθη , Συμεών ὁ δίκαιος , σωματικῶς τόν Χριστόν δεξάμενος .

   Οὗτος εἰς πτῶσιν , φησίν , καί εἰς ἀνάστασιν κεῖται , εἰς πτῶσιν τῶν ἀπίστων , καί πιστῶν ἀνάστασιν , ὁ Συμεών ἄρτι προέφησεν .

 

                                       ΘΕΟΤΟΚίΟΝ 

 

   ΘΕΟΚΥΗΤΟΡ ΑΓΝΗ , τόν Υἱόν Σου δυσώπει , λυτρώσασθαι κινδύνων , καί πάσης περιστάσεως , τούς Σέ δοξάζοντας , ΘΕΟΤΟΚΕ ΑΧΡΑΝΤΕ .

 

                                             ☦

 

                                ᾨδή στ ΄ὁ Εἱρμός .

 

   Ὡς Ἰωνᾶν τόν προφήτην , ἐλυτρώσω τοῦ κήτους Χριστέ ὁ Θεός , κἀμέ τοῦ βυθοῦ τῶν πταισμάτων , ἀνάγαγε καί σῶσον με , μόνε Φιλάνθρωπε .

 

                                  Τροπάρια .

 

   Ἐχρηματίσθη Πρεσβύτης , μη θανεῖν πρίν ἰδεῖν , τόν Δεσπότην Χριστόν · ἀγκάλαις δέ σήμερον φέρει , καί τοῦτον προσδεικνύει , παντί τῶ λαῷ Ἰσραήλ .

   Τόν Ποιητήν τῶν αἰώνων , ὁ Πρεσβύτης ὡς βρέφος δεξάμενος , Θεόν προαιώνιον ἔγνων , καί φῶς ἐθνῶν , καί δόξαν , τοῦ Ισραήλ τόν Χριστόν .

   Νῦν Συμεών προσγτεύει , νῦν ἡ Ἄννα ἀνθομολογεῖ τῷ Θεῷ · ὁ μέν τῆ Μητρί καί ΠΑΡΘΕΝῼ , ἡ δέ τῷ ἐκ ΠΑΡΘΕΝΟΥ , ἀναδειχθέντι σαρκί .

 

                                    ΘΕΟΤΟΚίΟΝ 

 

   Ὤ !!! μακαρία κοιλία !!!! πόθεν ταύτην τήν δόξαν ἐβλάστησας ; Θεός τό τεχθέν , ὦ ΠΑΡΘΕΝΕ , καί φῶς ἐθνῶν , καί δόξα καί ἀπολύτρωσις .

 

                                              ☦

 

   Συναπτή  καί κοντάκιον , ὅ καί ὁρᾶται καί ὡς κάθισμα στιχολογίας .

 

                   ἦχος α ΄. Χορός ἀγγελικός 

 

   Ὁ ὤν σύν τῷ Πατρί , ἐπί θρόνου ἁγίου , ἐλθών ἐπί τῆς γῆς ἐκ ΠΑΡΘΕΝΟΥ ἐτέχθη , καί βρέφος ἐγένετο , χρόνοις ὤν ἀπερίγραπτος, ὅν δεξάμενος ὁ Συμεών ἐν ἀγκάλαις , χαίρων ἔλεγε · νῦν ἀπολύεις οἰκτίρμον εὐφράνας τόν δοῦλον σου .

 

                                        Ὁ Οἶκος .

 

     Ἱεράν πανδαισίαν προτίθεται , φιλεόρτων τό σύστημα σήμερον , προεόρτια σύμβολα φέρουσαν , τοῦ Κυρίου τασσαρακονθήμερον  τήν ἐκ ΠΑΡΘΕΝΟΥ , φρικτήν γέννησιν , καί Πρεσβύτου σεπτοῦ ἐναγκάλισιν καί ἀγαλλίασιν · καί σεπτοῦ ἀθληφόρου μνημόσυνα , δι ᾿ αὐτόν γάρ τόν Χριστόν , τελειοῦται , νικητικῶς ὡς ἀήττητος . 

 

    Τό Συναξάρι τῆς ἡμέρας , καί συνέχεια τοῦ κανόνος .

 

                                              ☦

 

                                   ᾠδή ζ ΄ὁ Εἱρμός .

 

   Ὁ τῶν Πατέρων Θεός , μή καταισχύνης ἡμᾶς , ἀλλά δώρησαι ἡμῖν , ἐν παῤῥησίᾳ βοᾶν σοι · εὐλογητός εἶ ὁ Θεός , 

 

                                      Τροπάρια 

 

   Ὁ ἐνοικήσας Θεός , ἐν γαστρί τῆς ΠΑΡΘΕΝΟΥ , ἐν ἀγκάλαις Συμεών , ὥσπερ ἐν θρόνῳ πυρίνῳ , σήμερον ἐθρονίζεται .

   Σύ τό γεῶδες ἡμῶν , προσλαβόμενος Λόγε , ἐνηπίασας σαρκί , καί νομικῶς καθαρσίων , μετέσχες ὡς νήπιον .

   Ἡ σώφρων Ἄννα ἡμῖν , προφητεύει τό μέλλον , κα΄προλέγει μυστικῶς , τήν τῶν ἐθνῶν προσδοκίαν , καί Ἰσραήλ τήν λύτρωσιν .

 

                                  ΘΕΟΤΟΚίΟΝ 

 

   Χαὶρε ἡ ἄσπορος γῆ , ἡ τόν Λόγον ἐκ μήτρας , δίχα σπέρματος ἀνδρός , σεσαρκωμένον τεκοῦσα , ἡ Σκέπη τῶν ψυῶν ἡμῶν .

 

                                            ☦

 

                                ᾠδή η ΄Ὁ Εἱρμός .

 

   Τόν Βασιλέα Χριστόν , ὅν ὡμολόγησαν οἱ αἰχμάλωτοι παῖδες , ἐν τῇ καμίνῳ λέγοντες , μεγάλῃ τῇ φωνῇ , πάντα τά ἔργα , εὐλογεῖτε τόν Κύριον .

 

                                   Τροπάρια 

 

   Τόν δι ᾿ ἡμᾶς καθ ᾿ ἡμᾶς , βρέφος γενόμενον , ὑπό νόμον ἀχθέντα , ἵνα τοῦ νόμου πάντας ἀπαλλάξῃ τοῦ γραπτοῦ , πάντα τά ἔργα εὐλογεῖτε τόν Κύριον .

   Ἰδών σε φῶς νοερόν , Συμεών ὁ Πρεσβύτης , ἀγκάλαις ὑπεδέξατο , βοῶν · νῦν ἀπολύεις με Λόγε ,πρός τήν ἐν πνεύματι ζωήν , ἐκ τῆς προσκαίρου .

   Τόν πρό αἰώνων Θεόν , τόν εὐδοκήσαντα δι · ᾿ ἡμᾶς νηπιάσαι , καί ἐν χερσί δεχθῆναι , τοῦ Προφήου Συμεών  πάντα τά ἔργα ὑμνεῖτε τόν Κύριον .

 

                                    ΘΕΟΤΟΚίΟΝ 

 

   Τόν Βασιλέα Χριστόν , ὅν ἡμῖν ἔτεκεν ἡ ΠΑΡΘΕΝΟΣ ΜΑΡΙΑ , καί μετά τόκον ἔμεινεν ΠΑΡΘΕΝΟΣ ΑΓΝΗ , πάντα τά ἔργα ὑμνεῖτε  ὡς Κύριον .

 

                                           ☦

 

                      Ἡ τάξις τῆς : .   Τήν Τιμιωτέραν .

 

                               Καί , ᾠδή θ΄ . Ὁ Εἱρμός .

 

   Μεγαλύνωμεν πάντες τήν φιλανθρωπίαν σου Κύριε , Σωτήρ ἡμῶν , ἡ δόξα τῶν δούλων σου , καί στέφανος τῶν πιστῶν , ὁ μεγαλύνας τήν μνήμην τῆς Τεκούσης σε . 

                                 Τροπάρια .

 

   Ὁ πλαξί ἐγχαράξας , τόν τοῦ γράμματος νόμον ,  ἀγκαλίζεται   χερσίν , πρεσβύτου ὡς νήπιον , καί ἁγιόγραφον ἡμῖν , ὑπαγορεύει νόμον τό Εὐαγγέλιον .

   Σήμερον ἐν τῷ ναῷ , Συμεών ὁ πρεσβύτης , ἀγκαλαις ἐδέξατο , Χριστόν τόν Θεόν ἡμῶν , καί ἐβόησε λέγων · νῦν ἀπολύεις τόν δοῦλον σου Δέσποτα .

   Τῶν Ἀγγέλων αἱ τάξεις , ἐν σαρκί κατιδοῦσαι , τόν Κτίστην τόν ἴδιον ,ὡς βρέφος γενόμενον , ἀγκάλαις τοῦ πρεσβύτου , τοῦτον ἐν φόβῳ , ὑμνοῦσαι ἐδόξαζον .

   Συμεών Θεοδόχε , τοῦ Κυρίου αὐτόπτα , καί νόμου καί χάριτος , ἀρχή καί συμπέρασμα , μνείαν ποιοῦ καί ἡμῶν , τῶν τιμώντων τήν σεπτήν σου μετάστασιν .

 

                                         ΘΕΟΤΟΚίΟΝ 

 

   Χαῖρε ΠΑΝΣΕΜΝΕ ΑΓΝΗ , Παρθενίας καύχημα , καί τοῦ κόσμου ἡ χαρά , ΜΑΡΙΑ , Μήτηρ καί Δούλη , τοῦ Σωτῆρος Χριστοῦ ,αὐτόν δυσώπει ὑπέρ τῶν ψυχῶν ἡμῶν .

   Μεγλύνομεν πάντες...

   Ἄξιον ἐστίν ......

                                            ☦

 

                              Μικρά Συναπτή 

 

                  Ἐξαποστειλάριον . Ἐν πνεύματι τῷ ἱερῷ .

 

   Ἀτρέπτως καθ ᾿ ὑπόστασιν , ἐν Σοί ΘΕΟΓΕΝΝΗΤΡΙΑ , σαρκί ἑνοῦται ἀσπόρως , καί νηπιάζει ὁ Λόγος  ὅν ἐν ἀγκάλαις φέρουσα , Χερουβικός ὡς θρόνος νῦν ,Θεῷ Πατρί προσήγαγες , καί Συμεών ὁ πρεσβύτης ,  χαίρων ἐδέξατο τοῦτον .

   Ἐν Πνεύματι τῷ Ἱερῷ , παραστάς ὁ Πρεσβύτης , ἀγκάλαις ὑπεδέξατο , τόν τοῦ νόμου Δεσπότην , κραυγάζων · νῦν τοῦ δεσμοῦ με , τῆς σαρκός ἀπόλυσον , ὡς εἴρηκας ἐν εἰρήνῃ , εἶδον γάρ τοῖς ὀφθαλμοῖς , ἀποκάλυψιν ἐθνῶν , καί Ἰσραήλ σωτηρίαν . 

   Πληρῶν σου τήν ἀπόῤῥητον , οἰκονομίαν Κύριε , ἐν τῶ ναῶ προσηνέχθης , ὑπό Μητρός ἈΠΕΙΡΑΝΔΡΟΥ · ἰδών σε δέ ἐκραύγαζεν , ὁ Πρέσβυς νῦν ἀπόλυσον , τόν δοῦλον σου ὦ Δέσποτα , Σωτήρ γάρ ἦλθες τοῦ κόσμου , , τό πατρικό φῶς Χριστέ μου .

   Τόν παῖδα προσκομίσασα , ἡ ΠΑΝΑΜΩΜΟΣ ΚΟΡΗ , ἐν Ἱερῷ τετέλεκεν τά τοῦ νόμου · καί τοῦτον ἀγκάλαις ὡς ἐδέξατο , Συμεών ὁ δίκαιος  ἀντέφησεν τῇ ΠΑΡΘΕΝῼ , οὗτος κεῖται εἰς πτῶσιν , καί ἀνάστασιν πολλῶν , καί ὡς σημεῖον ἐν κόσμῳ .

   Τῶν κόλπων τοῦ Γεννήτορος , οὐκ ἐκστάς ἀποῤἡτως , δι ᾿ ἄκραν ἀγαθότητα , ἐκ ΠΑΡΘΕΝΟΥ γεννᾶται , καί νηπιάζει ὁ Λόγος , · τοῦτον δέ ἐν ἀγκάλαις , Συμεών ὑποδέχεται , ἅμα τε ὁ Πρεσβύτης , καί γηραιά, ἀνθομολογήσαντο ὡς Δεσπότῃ · ἐν ᾧ καί προεμήνυον , , τήν βροτῶν σωτηρίαν .

   

................................. Ἀπολυτίκιον ............................................

                              

                    ἦχος  α΄Χορός ἀγγελικός .

 

   Οὐράνιος χορός , οὐρανίων ἀψίδων , προκύψας ἐπί γῆς , καί φερόμενον βλέπων , ὡς βρέφος ὑπομάζιον , πρός ναόν τόν πρωτότοκον , πάσης κτίσεως , ὑπό Μητρός Ἀπειράνδρυ , προεόρτιον , νῦν σύν ἡμῖν μελωδοῦσιν , φρικτῶς ἐξιστάμενοι .

 

Δόξα Σοι Μῆτερ τοῦ Θεοῦ· 

Δόξα Σοι ΠΑΝΑΓΙΑ · 

Εὐχαριστοῦντες, 

προσκυνοῦμεν Σε Μητέρα τοῦ Ὑψίστου .

 

Ἔγγραφον ἐν Ἱεραποστολῇ ,   ,βκα  Ἰαν.γ ΄   (3.Ἰανουαρ.2021 )

 

  Επιστροφή στή Σελίδα ΘΕΟΤΟΚΙΑ